الأسئلة الشائعة
bebasata
انت مش محتاج تغير بنكك عشان تكون عميلنا. كل اللي عليك أنك تفتح حساب معانا وتستمع بمميزاتنا زي ان مافيش اي مصاريف اشتراك ولا مصاريف دورية ولا عمولات ده غير ان منتجاتنا وخدماتنا البنكية الديجتال كلها مميزات اللي تقدر تخلى تجربتك البنكية اذكى وأسهل.
لا مش لازم تختار واحد منهم انت تقدر يبقى عندك الحسابين. و ده عشان كل واحد بيقدم تجربة بنكية مختلفة عن التاني و منفصلة عنه. و كمان كل حساب هيدار بشكل منفصل عن التاني لان مميزات و شروط الخدمات و المنتجات مختلفة.
- احنا حريصين على اننا نوفرلك وسائل تواصل كتير ومتنوعة متخصصة عشان تقدر توصلنا بكل سهولة عن طريق:
- موقعنا الالكتروني bebasata.qnb.com.eg
- تطبيق الموبايل
- الانترنت البنكي
- ماكينة السحب الألى
- وكمان تقدر توصلنا عن طريق:
- مركز دعم العملاء: 16607
- لاستفسارات العملاء: customer.inquiry@bebasata.qnb.com.eg
- لملاحظات/اراء العملاء: customer.experience@bebasata.qnb.com.eg
- لطلبات العملاء: authorized.email@bebasata.qnb.com.eg وده عن طريق الايميل المسجل عندنا .
- الانترنت البنكى/الموبايل ابليكشن الخاصين ب QNB بيسمحوا للعملاء انهم ينفذوا عمليات بنكية كتيرة بشكل الكتروني وعن بعد بدل زيارة فروع QNB بس فيه بعض العمليات والمعاملات البنكية اللي بتشترط وجود العميل في الفرع عشان تتنفذ.
- على العكس احنا صممنا خدمات bebasata الالكترونية علشان ما تضطرش تزور فروع فعلية لأننا بنتبع فكراللا فروع في كل المراحل سواء من بداية رغبتك انك تكون عميل او بعد ما تبقى عميل مرورا بالتقديم على أي منتج أو خدمة او تنفيذ كل اي معاملات بنكية. كل حاجة بتتم وانت في مكانك وبشكل الكتروني.
- مع تحقيق هدف اننا نكون منصة رقمية مميزة جدا نقدر نقدملك من خلالها خدمات مصرفيه بشكل بسيط و ديجيتال.QNB بيقدملك QNB bebasata كمنصة رقمية مختلفة، اللي هتكون بداية عصر جديد في الخدمات المصرفية الديجيتال.
- شعارنا اننا نقدم أحسن منصة رقمية اللي من خلالها يقدر عملائنا انهم يستمتعوا بأذكى وابسط واريح خدمه مصرفيه سريعة و الكترونية . حمل دلوقتي التطبيق بتاعنا او ادخل على موقعنا الالكتروني bebasata.qnb.com.eg و هنبقى سعداء جدا انك تكون عميلنا.
- حاليا، تقدر تفتح حساب شخصي بس.
سواء كنت عميل او مش عميل QNB ، لازم تملئ نموذج طلب فتح حساب في هنا علشان تكون عميلنا وتستفيد من مميزاتنا الحصرية.
لا مش لازم. ببساطة كل اللي عليك تعمله إن تملأ طلب انك تكون عميل من على موقعنا او على تطبيق الموبايل وبعد كده هيجيلك مكالمة مننا عشان نحدد معاك ميعاد لزيارتك (وده هيكون لمرة واحدة بس) عشان تمضي على النموذج و تستلم كارت الخصم المباشر في وقتها وبكده انت هتكون عميلنا و تقدر تستمع بمميزتنا
- بشكل عام، انت هتحتاج:
- بطاقة شخصية سارية او جواز سفر ساري للأجانب (للبالغين فقط)
- فاتورة مرافق جديدة (غاز – كهرباء – مياه)
- مستند بمصدر الدخل وأقامه سارية للأجانب
البنك له حق في انه يطلب مستندات تانية
الأجانب الى عندهم إقامة سارية، يقدروا يكونوا عملاء عندنا من غير أي مشكلة.
لا للأسف دة غير متاح، فريقنا هيساعدك بس عشان تمضي على النموذج ويعرفك على معلومات اكتر عننا. لكن انت تقدر تودع فلوسك بنفسك في ماكينات الصراف الالي QNB .
مفيش اى مصاريف اشتراك او مصاريف دوريه لمنتجات او خدمات QNB bebasata وعشان تعرف اكتر عن المصاريف التانية دوس هنا
الحسابات
تقدر تراجع معاملات حسابتك لحد سنه فاتت؛ ولو عايز ترجع لمدة اكتر من سنة، تقدر ترجع لكشف الحساب الالكتروني علشان تراجع المعاملات القديمة.
ده لأننا وقت ما صممنا منتجاتنا كنا واخدين في اعتبارنا الاحتياجات والمنتجات والخدمات الأساسية اللي اكتر حاجة بتسخدمها. عشان كده وفرنا اكتر عملات اجنبية بتستخدم في مصر. بس في المستقبل، ممكن نقدم عملات اجنبية تانية على حسب احتياجاتك البنكية.
تقدر تتابع وتتحكم في حساباتك من خلال الانترنت البنكي وتطبيق الموبايل عن طريق مراجعتك لحركاتك وعملياتك البنكية. ده غير أنك تقدر تراجعها من خلال كشف الحساب الالكتروني.
- انت تقدر تعمل تحويل بنكي الكتروني من حسابتك التانية. وكمان تقدر تستخدم ماكينات الصراف الالي من QNB اللي بتقبل الإيداع عشان تودع فلوسك في حسابك الجاري اللي بالجنيه المصري.
- بما اننا بتقدم الخدمات من خلال قنوات الكترونية، فاستخدامك لفروع QNB هيكون في حالات استثنائية جدا زي ما هو موضح هنا:
- لإيداع / سحب الكاش بمبالغ أكبر من حد كارت الخصم المباشر
- لإيداع/ السحب الكاش للعملات الاجنبية
- لما تودع اى مبلغ بالجنيه المصري من خلال ماكينات الصراف الالي ,تاريخ حق الإيداع النقدي بيكون تاريخ الإيداع + يوم عمل واحد
- لما تودع اى مبلغ بالجنيه المصري من خلال اى فرع تاريخ حق الإيداع النقدي بيكون تاريخ الإيداع + يومين عمل
- لما تودع اى مبلغ بالعملة الاجنبيه من خلال اى فرع تاريخ حق الإيداع النقدي بيكون تاريخ الإيداع + اربع أيام عمل
- لما تستقبل تحويلACH في أيام العمل بيكون تاريخ حق التحويل نفس يوم التحويل.
- لما تستقبل تحويلACH في يوم إجازة بيكون تاريخ حق التحويل بيكون اول يوم عمل بعد الاجازة .
- لما تستقبل تحويل داخلي في أيام العمل بيكون تاريخ حق التحويل نفس يوم التحويل.
- لما تستقبل تحويل داخلي في يوم إجازة بيكون تاريخ حق التحويل بيكون اول يوم عمل بعد الاجازة .
- لما تستقبل تحويل IPN في أيام العمل بيكون تاريخ حق التحويل نفس يوم التحويل.
- لما تستقبل تحويل IPN في يوم إجازة بيكون تاريخ حق التحويل لكل العمليات أول يوم عمل بعد الاجازة .
الحد الأدنى لفتح الحساب هو 1 جنيه
تقدر تطلبه من علي الموبايل ابليكيشن الخاص بيك من خلال الضغط على صفحة "مساعده". لمعلومات اكتر كلم مركز دعم العملاء على 16607
بمجرد ما بتكون عميلنا الحساب الجاري المصري بيتفتح تلقائي. لو عايز تفتح حساب تانى بالدولار او اليورو بعد ما بقيت عميلنا، انت تقدر تعمل ده ببساطة من خلال الانترنت البنكي او تطبيق الموبايل.
اه تقدر يبقى عندك كشف حساب الكتروني منفصل لكل حساب من خلال الانترنت البنكي وتطبيق الموبايل.
ده حسابك الاساسي اللي بتتم عليه كل معاملاتك البنكية. هو حساب مش بيقدم فايدة، لكن تقدر تستمتع من خلاله بعمليات سهلة وسريعة. ده غير إنك تقدر تستخدم فلوسك في أي وقت من خلاله سواء كان في التحويلات او المدفوعات بطريقة بسيطة و ذكية.
لا مفيش أي مصاريف لفتح الحساب او حتى مصاريف دورية على منتجاتنا.
علشان عملاء QNB bebasata بيفضلوا القنوات الديجتال، بالتالي يقدروا ينقذوا عمليات السحب من ماكينات الصراف الالى والايداع من خلال شبكة ماكينات الصراف الالى من QNB , ولو العميل سحب من خلال شباك الفرع اقل من الحد اليومي المسموح للسحب من كروت الخصم المباشر هيتخصم 50 جنيه لكل عمليه سحب.
-وفيه حالات قليلة العميل بيحتاج يسحب او يودع فيها من الشباك مثل :
- لو العميل محتاج يسحب او يودع عمله اجنبيه من الحساب الجارى (بيكون من غير مصاريف )
- لو العميل محتاج يسحب او يودع مبلغ اعلى من الحد اليومى المسموح (بيكون من غير مصاريف )
- لو ماكينات الصراف الالى خارج الخدمه او الماكينة مش بتقبل عمليات الإيداع .
تقدر تلاقي حركة المعاملات على كشف الحساب الالكتروني او على ايصال حركة المعاملة على تطبيق الموبايل او الانترنت البنكي.
الفايدة بتتحسب بشكل يومي على رصيد نهاية اليوم وبيتم اضافتها في الحساب شهرياً .
ده حساب فايدته بتتحسب بشكل يومي وبتنزل في الحساب شهريا. كمان تقدر تفتح اكتر من حساب توفير وتسمى كل حساب على حسب اهدافك الادخارية.
للأسف، انت متقدرش تعمل عمليات شراء من حساب التوفير لكن تقدر تستخدم كارت الخصم المباشر اللي مربوط بالحساب الجاري بالجنية المصري عشان. وده عشان يساعدك تحوش اكتر في حساب التوفير.
احنا لما صممنا حساب التوفير كان هدفنا إنك تحوش اكتر، عشان كده خلينا الدفع او الصرف منه أصعب شوية. لكن لو عايز تستخدم فلوسك اللي في حساب التوفير، لازم تحول فلوسك من حساب التوفير لحساب الجاري بالجنية المصري وبعدين تسحبها من ماكينة الصراف الألى. وبالطريقة دي، احنا بنخليك تفكر كويس قبل ما تصرف فلوسك اللي محوشها، وعشان كل ما تحوش اكتر كل ما الفايدة على فلوسك بتكتر من خلال الفايدة المتزايدة.
احنا وفرنا شرايح في حساب التوفير عشان نساعدك تحوش اكتر. وعشان كده كل ما تحوش اكتر كل ما تاخد فايدة أكبر.
الحد الأدنى لفتح حساب التوفير 1 جنيه؛ انت مش محتاج مبلغ كبير عشان تقدر تحوش. نيتك كفاية.
- لا مفيش أي مصاريف لفتح الحساب او حتى مصاريف دورية على منتجاتنا.
- انت عندك 3 اختيارات:
-تضاف أصل الوديعة + الفايدة لحسابك.
-تختار أصل الوديعة يتجدد تلقائي.
-تختار أصل الوديعة + الفايدة يتجدد تلقائي.
تقدر تعمل وديعة فورا ًبمجرد ما تحدد المبلغ والمدة عن طريق تطبيق موبايل او الانترنت البنكي .
الحد الأدنى هو 1000 جنيه عشان تنشأ الوديعة وتقدر تزودها بأي مبلغ.
الودايع هي أفضل اختيار لخطة التوفير في مدة زمنية قصيرة بالجنيه المصري بسعر مميز جدا. تقدر تنشأ وديعة وتاخد فايدة تنافسية في نهاية مدة الوديعة. وعشان تستفيد بالفايدة لازم تفضل محافظ على الوديعة لتاريخ استحقاقها؛ كمان تقدر تسمى الودايع بناءا على اهدافك للتوفير. و بنقدملك مدد مختلفة من الودايع 6،3،1 شهور بسعر عائد ثابت. ده غير انك ممكن تجديد الوديعة اوتوماتيكيا.
اه تقدر تعمل اكتر من وديعة وتسميها على حسب اهدافك للتوفير.
الكسر متاح في أي وقت ولكن الكسر الجزئي مش متوفر وإذا كسرت الوديعة قبل ما تنتهي مدتها، الفايدة اللي هتاخدها هتكون صفر.
انت تقدر تستثمر وتزود فلوسك مع شهادات الادخار عندنا وتأمن مستقبلك عن طريق مصدر دخل ثابت بشكل منتظم؛ وده متاح بالجنيه المصري فقط. كمان تقدر تاخد قرض بضمان شهاداتك في أي وقت. و تقدر تزود فلوسك عن طريق تحويل فايدة الشهادات لحساب التوفير.
- انت تقدر تصدر شهادة فوراً بمجرد ما تحدد المبلغ اللي انت عايزه عن طريق تطبيق موبايل او الانترنت البنكي المدة المتاحة هي 3 سنين وتقدر تختار بين مدد صرف الفايدة: كل شهراو كل 3 شهور او كل 6 شهور او كل 12 شهر.
- اه ممكن طبعاً. تقدر تبعت طلب كسر الشهادة، لتسدد القرض او الكارت الائتماني عن طريق
لازم تسدد القرض الأول وبعدين تكسر الشهادة.
الحد الأدنى لانشاء الشهادة هو 1000 جنيه وممكن تزود المبلغ بمضاعفتها و مفيش حد أقصى لعدد الشهادات اللي تقدر تنشأها.
لما مايتمش إجراء أي عملية سحب، أو إيداع، أو تحويل، أو الاستعلام الالكتروني، أو الموثق عن الرصيد، لمدة سنة بالنسبة للحسابات الجارية سنتين بالنسبة لحسابات التوفير
عن طريق إنك تعمل عملية شراء من خلال كارت QNB bebasata للخصم المباشر، او عملية سحب، او إيداع، او استعلام من ماكينات الصراف الالي، او تنفذ عملية تحويل من حسابك عن طريق الموبايل ابليكيشن او الانترنت البنكي
عن طريق انك تسجل دخول على الموبايل ابليكيشن او الانترنت البنكي، او إنك تستعلم عن رصيدك من خلال ماكينات الصراف الالي او انك تكلم مركز دعم العملاء 16607
لو سمحت اتصل بمركز دعم العملاء 16607
تقدر تقدم طلب قفل الحساب عن طريق الإنترنت البنكي او تطبيق الموبايل.
هيتم تحويل الرصيد المتاح في حساب التوفير تلقائيا للحساب الجاري بالجنيه المصري بمجرد ما تطلب ان الحساب يتقفل.
- لا ماتقدرش تقفل الحساب الجاري بالجنية المصري لان ده حسابك الرئيسي بس ممكن تكلمنا على 16607 او تبعتلنا على
authorized.email@bebasata.qnb.com.eg
- اما بالنسبة للعملات الأجنبية، اه تقدر اكيد؛ وإذا كان لسه فيه رصيد موجود في حسابك اللي بالعملة الأجنبية هيظهرلك رسالة تنبيهيه بنطلب منك سحب او تحويل المبالغ علشان نقدر ننفذ طلب القفل؛ ومجرد ما يتم تحويل/او سحب للمبلغ، هتقدر تقدم طلب لقفل الحساب تانى يوم عمل.
اه، هتقدر تأخذها طبعا، وهيتم إيداع مبلغ الفايدة لحسابك الجاري بالجنيه المصري.
الكروت
كارت الخصم المباشر ده كارت فيه ميزة الاستخدام عن بعد وهو خاص بالحساب الجاري بالجنيه المصري و بيوفرلك مجموعة من الامتيازات، مع إمكانية دفع مشترياتك ؛ سواء عشان تعمل مشتريات، تحجز فندق، تدفع فواتير من غير ما تحتاج تشيل كاش.
هيتم تجديد الكارت تلقائيا عند انتهاء تاريخ صلاحيته
لازم توقف تفعيل كارتك فورا من تطبيق الموبايل/ الانترنت البنكي او كلم 16607 مركز دعم العملاء.
هتستلمه عن طريق شركة الشحن على العنوان اللي محدد الخاص بيك، وبعدين هتقدر تفعل الكارت اول ما تستلمه من خلال تطبيق الموبايل او كلم 16607.
تقدر تعرف رصيدك، تاخد كشف حساب مختصر؛ وكمان تقدر تغير الرقم السري الخاص بيك بس من خلال ماكينات الصراف الالي من QNB .
- لما تكون محتاج كارت خصم مباشر مخصوص عليه اسمك.
- لو كارت الخصم المباشر بقى تالف
- لو الكارت ضاع او اتسرق
- اه ممكن طبعاً، احنا نقدر نقدملك كارت مخصوص باسمك؛ لكن في الحالة دي هيكون فيه مصاريف إصدار لكارت مميز وتقدر تطلب الكارت ده من خلال مركز دعم العملاء او عن طريق authorized.email@bebasata.qnb.com.eg
هيجيلك رسالة مجانا بعد كل عملية شراء وكمان تقدر تتابع العمليات من خلال مراجعة حركة الحساب على تطبيق الموبايل او الانترنت البنكي.
تقدر توقف تفعيل الكارت من خلال تطبيق الموبايل او الإنترنت البنكي، او اكلم خدمة دعم العملاء 16607 وتلقائيا هيتم إصدارا كارت تانى. وهيتم تسليم الكارت المصدر مرة تانية من خلال شركة الشحن و عند الاستلام تقدر تفعل الكارت من خلال تطبيق الموبايل او كلم 16607
لا مفيش رسوم اصدار/تجديد للكارت
لا، عشان هو مرتبط بس بالحساب الجاري بالجنيه المصري عشان نساعدك ماتسحبش من مدخارتك فتزيد بسهولة.
- انت بالفعل بتستلم الكارت مفعل لما بتستلمه لأول مرة بعد ما تنتهي إجراءات فتح الحساب.
- وبالنسبة للكارت اللي أعاد إصداره مرة تانية، تقدر تفعلة من خلال تطبيق الموبايل او كلم 16607
تقدر تستلم كارتك خلال 5 أيام عمل من تاريخ تقديم الطلب.
تقدر تنشأ او تغير الرقم السري عن طريق ماكينات الصراف الآلي من QNB .
لا مش هتقدر تستخدم كارتك القديم؛ لان هيتم إيقافه تلقائيا اول ما يصدر الكارت الجديد.
5 سنين
- لو الماكينة اللي سحبت الكارت كانت في فرع، يبقى لازم تزور الفرع ده عشان تستلم الكارت الخاص بيك، و لو مازورتش الفرع علشان تستلمه هيتم اعدام الكارت فبالتالي تقدر توقف تفعيل الكرت من خلال ابليكيشن QNB bebasata واختار: الإعدادات>> BeCard>> حالة البطاقة و هيتم اصدار كارت تأني تلقائياً او من فضلك كلم 16607
هنبلغك عن طريق البريد الإلكتروني ان طلبك ماتوافقش علية وتقدر تتصل بمركز دعم العملاء 16607 عشان تعرف تفاصيل اكتر.
هتلاقي حدود الاستخدام الدولي لكارت QNB bebasata هنا
طبعاً، تقدر تستخدم كارتك الائتماني في الشراء والسحب الكاش في مصر و في الخارج كمان وعلى مواقع الكترونية الدولية و المحلية. وعشان تعرف معلومات اكتر عن لحدود الاستخدام، اتصل بينا على 16607.
- لو كارت الائتمان اتكسر او مش شغال مضبوط او فيه أي مشكلة، لازم تبلغنا عن طريق ارسال بريد إلكتروني من الايميل المعتمد و المسجل عندنا ل authorized.email@bebasata.qnb.com.eg او عن طريق مركز دعم العملاء 16607 عشان يحلوا مشكلتك او يطلبوا ليك كارت جديد لو لزم الامر.
- طبعاً، تقدر تنفذ معاملاتك اللي عايزها من خلال نقط البيع او موقع الانترنت او التطبيقات المخصوصة للجهات المعنية.
- كمان برده تقدر تدفع من خلال شبكة فورى (خدمة دفع الفواتير) في تطبيق الموبايل .
اتصل ب 16607 مركز خدمة العملاء قبل سفرك عشان تسيب بيانات السفر و تتأكد ان الكارت شغال مضبوط برا مصر.
لا مفيش أي مصاريف اصدار/ تجديد لكارت الائتمان.
- تقدر تتصل بمركز دعم العملاء 16607 او تبعت رسالة من الايميل المعتمد و المسجل عندنا ل authorized.email@bebasata.qnb.com.eg عشان تلغى كارتك، لكن لازم الأول تسدد المبالغ المستحق على الكارت.
تقدر ترجع لحد شهر واحد لمراجعة المعاملات؛ وإذا عايز تراجع معاملاتك لمدة اكتر من شهر تقدر ترجع لكشف الحساب الالكتروني الخاص بيك.
اه طبعا، تقدر تقسط عمليات الشراء مع التجار المتعاقدين مع ماكينات QNB لنقات البيع POS.
طلبك بيتم تقيمه بناءا على سياسات الائتمان عندنا واللوائح القانونية و I-Score. عشان تعرف معلومات أكتر، اتصل على مركز دعم العملاء 16607
تقدر تسدد مبلغ الاستحقاق من خلال الانترنت البنكي او تطبيق الموبايل عن طريق تحويل المبلغ من الحساب الجاري لكارت الائتمان. وإذا ما سددتش المبلغ، احنا تلقائيا هنسدد 5% كحد أدنى من المبلغ المستحق
- اه طبعاً، ليك الحرية للتسديد من اول 5% لحد 100% بناءا على قدرتك المالية في التسديد.
- كارت ائتمان بضمان شهادتك (بحد اقصى يصل ل 80% من اصل مبلغ الشهادة)
- كارت ائتماني بضمان عضوية النادي.
ممكن أي شخص يقدم طلب عشان يأخذ كارت الائتماني. بس لازم يكون بضمان شهادتك أو بضمان عضوية نوادي محددة من البنك وبيتم تقييم كل الطلبات ضمن سياسات الائتمان للبنك مع مراعاة معاييره.
تقدر تنشئ رقم سري عن طريق أي من القنوات دي:
-
- موقع QNB bebasata الالكتروني صفحة كارت الائتمان او دوس مباشرة على اللينك ده
-
- كلم 16607 واستخدم القائمة الصوتية IVR
الكارت الائتماني بيكون بضمان شهادات QNB bebasata او عضويه النوادي (نوادي معينة تحدد من البنك), لمعلومات اكتر كلم مركز دعم العملاء على 16607
تقدر تفعل الكارت من خلال تطبيق الموبايل او كلم 16607
مع الكارت الائتماني تقدر تستمتع بخدمة الشراء عن بعد لأي حاجة انت عايزها دلوقتى وتسدد ثمنها في وقت تانى بسهولة وأمان و ده غير ان ما فيش أي مصاريف اصدار او تجديد للكرت. بجانب سهولة التسوق والدفع والشراء وسحب الكاش في الحدود المتاحة ليك سواء دوليا او محليا. من ناحية تانية، تقدر تدفع مستحقات كارتك الائتماني بكل سهولة من خلال الانترنت البنكي او تطبيق الموبايل.
لو انت مش موجود في نفس العنوان، شركة الشحن هتحاول تكلمك 3 مرات عشان تسلمك الكارت. لو شركة الشحن ماعرفتش توصلك، كلمنا على 16607 مركز دعم العملاء عشان يساعدوك مرة تانية لتسليم الكارت.
• هليوبوليس
• سكاى
• الجزيرة
• سبورتنج
• المعادي
• نادي الصيد
• سماش
• بلاتينم
• الأهلي
• الزهور
• الرحاب
• الشمس
• مدينتي
• نوادي وادي دجلة
• سموحه
• هوليليدو
5 سنوات
- لازم تقدم طلبك عن طريق authorized.email@bebasata.qnb.com.eg وهيتم تقييم طلبك بناء على معايير ائتمان البنك وهيتم تنفيذه إذا كان متوافق للشروط؛ ولو الطلب ماتقبلش، حيتم ابلاغك عن طريق البريد الإلكتروني او بإشعار و ممكن تكلم مركز دعم العملاء 16607 عشان تعرف معلومات اكتر.
- الحد الأدنى لعملية الشراء اللي تقدر تقسطها هي 500 جنيه ومدد التقسيط المتاحة هي 6، 18،12، 24، 36، شهر .
إذا كارتك الائتماني اتسرق او ضاع، لازم توقف تفعيل الكارت في الحال من خلال الإنترنت البنكي او تطبيق الموبايل او تتصل بمركز دعم العملاء 16607 عشان يأخذه الاجراء اللازم عشان يوقفوا الكارت.
لا دة غير متاح. بس تقدر تراجع كشف حساب الكارت الائتماني الخاص بيك من خلال كشف الحساب الالكتروني من خلا الانترنت البنكي وتطبيق الموبايل.
قرض بضمان وعاء ادخاري
ده قرض بالجنيه المصري بضمان شهاداتك الادخارية فى QNB bebasata تقدر من خلاله انك تغطى مصاريفك من غير ما تخسر مدخراتك و ضمان القرض شهادتك ف bebasata
عن طريق تطبيق للموبايل والانترنت البنكي.
هنبلغك عن طريق البريد الإلكتروني ان طلبك ماتوفقش علية وتقدر تتصل بمركز دعم العملاء 16607 عشان تعرف تفاصيل اكتر.
لا، الأقساط بشكل شهري بس هي اللي متاحة.
هيتحسب عليك غرامة تأخير، وده هيأثر على تاريخك ووضعك الائتماني وممكن يأثر بالسلب في كل مرة تقدم فيها على تسهيل ائتماني بعدين.
تبدأ مدة القرض من 6 شهور لحد 120 شهر.
لا، مش متاح. لازم يكون بضمان شهادات ادخار الخاصة بك هنا
الحد الأدنى هو 5000 جنيه وبيوصل لحد 1,000.000 جنيه كحد اقصى و بيشمل كل التسهيلات اللي بضمان شهاداتك.
مظبوط فيه مصاريف اداريه للقرض بضمانه بس بمصاريف مخفضة جداً و لو حابب تعرف اكتر عن المصاريف الإدارية دوس هنا
لحد 90% من أصل مبلغ الشهادات للمدد القرض المطابقة لمدة الشهادة او لمدة ممتدة بعد مدة الشهادة او المدة المتبقية من مدة الشهادة.
لا، تقدر تسدده بس من الحساب الجاري المصري عشان نساعدك تحوش اكتر بشكل أحسن.
البالغين فقط، لكن الشباب مش مسموح ليهم.
التحويلات
هيجيلك رسالة عن طريق البريد الالكتروني او هيجيلك مكالمة من فريقينا بيبلغك بضرورة فتح حساب بعملة التحويل عشان يتم نتفيذ التحويل.
المصاريف بتتقسم بالتساوي و بيتحملها الراسل و المستفيد اذا ماطلبش الراسل غير كدة. ممكن الراسل يطلب ان هو/هي اللي يتحملوا المصاريف دي او المستفيد هو اللي يتحملها عن طريق انه يكلمنا على 16607 او يبعتلنا ايميل على authorized.email@bebasata.qnb.com.eg
هتجيلك ايميل مرفق معاه مستند بيأكد تنفيذ التحويل او رفضه مع سبب الرفض.
اه، بس مخفضة جدا. عشان تعرف معلومات اكتر، زور موقعنا.
اول ما يوصلك التحويل، هيجيلك ايميل معاه مرفق بتفاصيل التحويل.
- تقدر تحول بين حسابتك هنا ، وتحول لمستفيدين هنا / QNB وبنوك تانية.
- وكمان تقدر تحول بالعملات المحلية والأجنبية طبقا لسياسة حدود البنك.
-اه متاح , و هتقدر تعمل الاتي :
- هتقدر تنفذ تحويل من خلال الموبايل ابليكشن او الانترنت البنكى سواء كان تحويل ACH او تحويل IPN .
- هتقدر تضيف حسابك في QNB bebasata في ابليكشن Instapay من خلال انك تختار QNB وتضيف كارت bebasata.
- هتقدر تستقبل تحويلات لحسابك في QNB bebasata من خلال Instapay .
- ابعتلنا ايميل تأكيد على authorized.email@bebasata.qnb.com.eg من الايميل المعتمد الخاص بيك عشان نغير عملة التحويل ونودعها في أي حساب من حساباتك في QNB bebasata
دي خدمة علشان تبقى على دراية بالتحويلات الخاصة بيك. هيوصلك ايميل مرفق معاها نسخة من التحويل سواء من أو إلى حسابك. كمان بيعلمك باي تحويل ACH مرتجع او اترفض مع سبب الرفض لو موجود.
اه تقدر تحول مرتبك لحسابك في QNB bebasata بشكل فردي , ولكن QNB bebasata مش بتقدم اى عروض لتحويل المرتبات بشكل جماعي .
ادخل علي ابليكيشن bebasata >>القائمة الرئيسية>> اختار المعاملات المفضلة>>اختار المعاملة المرغوب حذفها >>اضغط حذف سجل >> اضغط تمام
خدمات دفع الفواتير / عمليات الاعتراض
تقدر تقدم طلب اعتراض ل bebasata من خلال authorized.email@bebasata.qnb.com.eg و ترفق معاها كل الاوراق اللازمة اللي بتثبت ان المعاملة ما تمتش.
الحساب الجاري بالجنيه المصري
تقدر تدفع فواتيرك، او فواتير المرافق، والحجوزات، والتبرعات، الخ... من خلال خدمة دفع الفواتير مستخدما شبكة فوري وهي متاحة في تطبيق الموبايل .
- اه، بس مخفضة جداً. عشان تعرف معلومات اكتر، زور موقعنا.
ادخل علي ابليكيشن bebasata >>القائمة الرئيسية>> اختار المعاملات المفضلة>>اختار المعاملة المرغوب حذفها >>اضغط حذف سجل >> اضغط تمام
Apple Pay هي محفظة رقمية تتيح لك تخزين واستخدام كروت QNB bebasata الخاصة بك بأمان عبر جهاز Apple لإجراء المدفوعات اللاتلامسية في المتاجر، وعبر الإنترنت، وداخل الابليكشنات.
- Apple Watch – الحد الأدنى لإصدار النظام watchOS 10.5
- iPhone – الحد الأدنى لإصدار النظام iOS 17.7
- Mac – الحد الأدنى لإصدار النظامmacOS 14.5
- iPad – الحد الأدنى لإصدار النظام iPadOS 17.7
يمكن لجميع عملاء QNB bebasata الذين يملكون بطاقات نشطة ومؤهلة استخدام الخدمة.
يمكنك إعداد كارت QNB bebasata على Apple Pay بطريقتين مختلفتين:
من خلال تطبيق Apple Wallet:
- اضغط على علامة (+) على Apple Wallet لإضافة كارتbebasata QNB الخاص بك.
- تقدر تمسح كارتك ضوئيًا من خلال عدسة الهاتف المحمول أو اختيار إدخال تفاصيل الكارت يدويًا.
- أدخل البيانات المطلوبة لإكمال التسجيل ثم قم بقراءة الشروط والأحكام والموافقة عليها.
- سيتم إرسال رسالة نصية برمز سري الى رقم هاتفك المسجل بالبنك.
- بمجرد إدخال الرمز السري، سيتم إضافة الكارت إلى المحفظة وإرسال رسالة نصية قصيرة لتأكيد إضافة بطاقتك بنجاح.
- يمكنك أيضًا إضافة الكارت من “Apps on your iPhone” داخل المحفظة.
من خلال الموبايل ابليكيشن:
- سجّل الدخول إلى الموبايل أبليكيشن على جهازApple الخاص بك.
- اضغط على Apple Pay في الصفحة الرئيسية.
- اختر الكارت واضغط على "Add to Apple Wallet" اسفل الكارت.
- سيتم توجيهك إلى تطبيق Apple Wallet لاكمال خطوات التسجيل.
- عند اكتمال الخطوات ستظهر لك رسالة تأكيد وستصلك رسالة نصية.
- تم إضافة كارتك الى Apple Wallet.
لايوجد أي رسوم إضافية على معاملات Apple Pay.
أيوة. Apple Pay تستخدم تقنيات التشفير (Tokenization) والمصادقة عبر Face ID أو Touch ID أو رمز مرور الجهاز، مما يضمن عدم مشاركة أو تخزين بيانات بطاقتك على جهازك أو على خوادم Apple.
لا. الإنترنت مطلوب فقط عند إضافة الكارت أو عرض سجل المعاملات، وليس عند الدفع.
تقدر تستخدمها في المتاجر اللي بتدعم الدفع اللاتلامسي، داخل الابليكشنات، وعلى المواقع الإلكترونية اللي بتقبل Apple Pay محليًا ودوليًا.
- iPhone: اضغط مرتين على الزر الجانبي، ثم صادق عبر Face ID/Touch ID أو رمز المرور، وخلي الجهاز قريب من جهاز الدفع.
- Apple Watch: اضغط مرتين على الزر الجانبي وضع الساعة جنب جهاز الدفع.
اختار Apple Pay عند الدفع، وصادق باستخدام Face ID أو Touch ID أو رمز المرور.
لا، تطبق نفس حدود الاستخدام اليومية الخاصة بكروت QNB bebasata الفعلية.
لا تحتاج إلى إدخال رقم الـ PIN عند الشراء عبر Apple Pay، ولكن قد يُطلب منك إدخاله عند السحب من ماكينات ATM التي تدعم خاصية اللاتلامس عبر Apple Pay.
يمكنك إضافة جميع كروتك، لكن العدد الأقصى يعتمد على سعة الجهاز.
نعم، يمكنك إضافة نفس البطاقة على عدة أجهزة Apple، ولكن يجب إضافتها بشكل منفصل على كل جهاز عبر Apple Wallet أو الموبايل ابلكيشن حيث يحصل كل جهاز على رمز أمان (Token) خاص به ويعمل بشكل مستقل.
ايوة، الكروت الفعلية بتفضل صالحة للاستخدام.
هتلاقي رسالة "تم" مع علامة صح على الشاشة، وممكن يوصلك إشعار من
Apple Wallet أو ابليكشن QNB bebasata.
افتح Apple Wallet واضغط على الكارت لعرض آخر 10 معاملات.
للسجل الكامل، استخدم ابلكيشن الموبايل أو الإنترنت البنكي.
تحقق من الرصيد.
لو استمرت المشكلة، اتصل بخدمة العملاء على 16607.
بتتم بنفس طريقة الكروت العادية، وبيظهر المبلغ المسترد في حسابك.
افتح تطبيق Apple Wallet، ثم اختر الكروت المفضّلة واضغط عليها مطولًا واسحبها إلى المقدمة لتعيينها كالكروت الافتراضية.
أيوة، من Apple Wallet ممكن تختار إزالة أي كارت.
لا، لن تنتقل بطاقتك تلقائيًا إلى الجهاز الجديد. ولأسباب أمنية، لا يتم تخزين بيانات البطاقة في iCloud أو نقلها بين الأجهزة.
ستحتاج إلى إضافة بطاقتك مجددًا عبر تطبيق Apple Wallet أو من خلال QNB bebasata Mobile Banking وحذفه من جهازك القديم
- استخدم "Find My iPhone" لقفل الموبايل عن بُعد.
- اتصل بخدمة العملاء على 16607 لتعليق أو حذف الكارت من الموبايل المفقود.
تقدر تتصل بخدمة العملاء على 16607، أو عبر WhatsApp.
هنبعتلك ايميل نوضحلك فيه حالة الطلب وفي حالة قبول طلب الاعتراض، المبلغ المسترد هيضاف لحسابك الجاري بالجنيه المصري.
- تقدر تقدم طلب اعتراض على أي معاملة تمت عن طريق كارت الخصم المباشر الخاص بيك , كارتك الائتماني او ماكينات الصراف الالي من خلال تطبيق الموبايل الخاص بيك , دوس علي الاعدادات – طلب اعتراض علي معاملات بالبطاقات ,ولمعلومات اكتر كلم مركز دعم العملاء على 16607.
الشباب
اه طبعا ليك كشف حساب إلكتروني لكل حساب من حساباتك بشكل منفصل من خلال تطبيق الموبايل والانترنت البنكي.
اه طبعا، مع الالتزام بحدود المسموحة اللي بيحددها البنك.
اول ما يوصل عمرك ل 21 سنة.
- اه ينفع يكون عندك كارت ائتمان بضمان شهاداتك فقط
لا، ده مش متاح للشباب. متاح بس للعملاء البالغين.
لا، ده متوفر للبالغين بس.
تقدر تستفيد من خدمة اشعارات البريد الإلكتروني لأنه بيعرفك حالة تحويلات ACH الخاصة بيك اللي بالجنيه المصري اذا تمت بنجاح او لأ.
لا، ده متوفر للبالغين بس.
اه، الحد الأقصى المسموح به لكل منتجات الاوعية الادخارية الخاصة بيك هو 300،000 جنيه مصري. ولو تجاوزت الحد المسموح هيحصل إيقاف على كل منتجات الاوعية الادخارية الخاصة بيك لحد ما نستلم امضاء الوالي الطبيعى ليك على إقرار الودائع. لمعلومات اكتر، لو سمحت كلمنا على 16607.
هيتم إضافة رصيد التحويل بما يعادله لحسابك بالجنيه المصري، وده طبعا بعد ما نأخذ موافقتك من خلال الايميل المعتمد الخاص بيك.
الشباب يقدروا يفتحوا حساب بالجنيه المصري بس.
من اول سن 15 سنة.
لا، هي اقل منها بشوية. لمعلومات اكتر زور موقعنا
اه، تقدر اكيد.
تحديث بياناتي
- تقدر تقدم طلب لتحديث أي من البيانات دي من خلال انك تبعت طلبك علي Authorized.EMAIL@bebasata.qnb.com.eg او كلم 16607: و هيقوم فريقنا بدراسة طلبك و التواصل معاك في اقرب وقت:
- نوع العمل
-
- الوظيفة (مرفق نسخة من خطاب الموارد البشرية)
- مجال العمل
- اسم مكان العمل (ترفق نسخة من خطاب الموارد البشرية)
- عنوان مكان العمل (التفاصيل، المدينة والمنطقة)
- متوسط الدخل الشهري
- الدرجة التعليمية
- عنوان المنزل
- تقدر تحدث أي من المعلومات الاتصال دي مباشرة عن طريق الانترنت البنكي/ تطبيق الموبايل (المصادقة بتتم من خلال اسم المستخدم + كلمة السر + رمز التحقق):
- رقم الموبايل الخاص بيك
- رقم تليفون البيت / العمل
- عنوان البريد الإلكتروني
- عنوان العمل
الأمان
اتبع الخطوات دي من خلال الأبليكيشن:
-
-
-
- اختار تسجيل دخول وبعدها اختار نسيت كلمه المرور او اسم المستخدم
- اكتب رقم الهاتف المسجل
- اكتب اخر 4 ارقام من كارت الخصم المباشر be card
- اكتب الرقم السري الخاص بالبطاقة be card
- ادخل رمز الأمان
- اختار متابعه
- اكتب OTP اللي وصل في رسالة على التيليفون
- يظهر اسم المستخدم بشكل تلقائي
- انشاء رقم سري مكون من حرف كبير، حروف صغيرة، ارقام، ورمز (8-16)
- إعادة كتابه الرقم السري مره أخرى
- اكتب OTP الجديد اللي وصل في رسالة على التيليفون
- انشاء اسم المستخدم مكون من حرف كبير، حروف صغيرة وارقام (8-16)
- انشاء رقم سري جديد مكون من حرف كبير، حروف صغيرة، ارقام، ورمز (8-16)
-
-
ما تقولش لاي حد على كلمة السر الخاصة بيك او اسم المستخدم او ارقام كروتك او ارقام البطاقة الشخصية تحت أي ظرف.
اختار كلمة السر تكون فيها المواصفات ديه:
- مش اقل من 8 حروف.
-تكون كلمة السر بعيدة عن أي هوية شخصية او تكون سهلة ان حد يفترضها بسهولة زي (عيد ميلادك، رقم تليفونك.. الخ).
-ابعد عن كلمات السر البسيطة ولازم تكون معقدة.
-المواصفات (يعنى لازم يكون فيها حروف وارقام ورموز، وحروف صغيرة وكبيرة).
- ما تستخدمش كلمة السر ابدا زي او قريبة من اسم مستخدم الخاص بيك.
- غير كلمة السر بشكل دوري (على الاقل كل 90 يوم ويفضل اقل).
- ما تستخدمش كلمة السر اللي استخدمتها 4 مرات قبل كده وما تستخدمش نفس كلمه السر اللي استخدمتها في اخر 90 يوم.
- ما تكتبش كلمة السر او تكشف عنها في أي مكان او لأي شخص مهما كان.
- غير كلمة السر فورا لو شكيت في أي معاملة او فعل على الانترنت البنكي/ تطبيق الموبايل.
- ما تخليش الرقم السري للكروت الخاصة بيك في مكان قريب من الكروت.
لازم تتصل على مركز دعم العملاء 16607 فورا عشان يساعدوك ويحموا بيانتك.
هي كلمة المرور لمرة واحدة هتجيلك في رسالة قصيرة هتستخدمها مرة واحدة بس عشان نتأكد من هويتك و نحمي معاملاتك من أي مخاطر.
Be-Token
ادخل علي ابليكيشن bebasata <<القائمه الرئيسيه<< دوس علي رمز be- <<تفعيل be-token <<تأكيد<< افتح ابليكيشن be-token <<هيتم فتح ابليكيشن be-token ,انشأ رقم سري من 4 ارقام <<تمام
<<انسخ ال 17 رقم اللي هيظه ر<<ارجع تاني لابليكيشن bebasata و ادخل الرقم ده <<ابليكش ن be-token مُفعَل دلوقتي .
تقدر تحول بين حساباتك في bebasata و تسدد كارت ائتمان bebasata من غير ما تستخدم be-token, أي نوع تحويل تاني اوعملية دفع تانية لازم تستخدم be-token.